Hæhæ!
Núna höfum við verið ansi dugleg við að vanrækja þessa ágætu síðu okkar, en það er margt að frétta af okkur og hér er það!
Fyrri hluta desember mánaðar kláruðum við fyrstu stuttmyndina okkar, Svavar, Vilhelm sá um leikstjórn, tökustjórn, klippingar og upptöku (og lifði það af.) Stefán skrifaði handritið og Hávarr og Berta léku aðalhlutverkin. Auk þeirra fengum við frábært leiklið, þau Heiðdísi Chadwick Hlynsdóttur, Ólaf Þórðarson, Önnu Karen Kolbeins og Val Frey Einarsson. Einnig fengum við ómetanlega aðstoð góðra vina, Dag Gonzales, Sölmund Ísak, Hönnu Alexöndru, Einar Karl Gunnarsson og hinn dýrmæta og frábæra Ara Þór Gunnarsson! Takk fyrir okkur! Um þessar mundir erum að fara með myndina út um allt og hefur hún strax hlotið hálfgert lof, eins og farið verður út í aðeins seinna.

Í seinni hluta desember mánaðar settum við upp fyrsta leiksýninguna okkar í Norðurpólnum, leikhúsi, við sýndum fyrir nánast fullu húsi þessi þrjú kvöld og voru viðtökunar langt umfram það sem við höfðum leyft okkur að vona! Við fórum með frumsamið efni, en við frumsýndum Svavar þar, auk þriggja einleika sem Hávarr, Berta og Vilhelm fóru með, en Stefán skrifaði. Síðan að sjálfsögðu Vín, sem Hávarr og Stefán skrifuðu. Í því fengum við hana Ingibjörgu Silvu Þórðardóttur með okkur.
Vinkonur okkar Berglind Hreiðarsdóttir og Hjördís Gréta Guðmundsdóttir komu, sáu og skrifuðu þessa skemmtilegu grein um okkur: http://farbelecafe.tumblr.com/page/3#15948244010

Í fyrradag, laugardaginn 28. janúar, sýndum við Svavar á Ljósvakaljóð í Bíó Paradís, hún hlaut lof og tökum við áhorfandaverðlaunin fyrir.

Síðustu mánuðir eru búnir vera erfiðir, skemmtilegir, stressandi og spennandi allt í senn.
Fylgist með okkur næstu daga, vikur og mánuði, það er margt í vændum. (Styttist í næstu tækjaleigu!)

Kveðja, Leikhópurinn Svavar!